Elyor To'ychiyev - Do'st emas

Taslim bo'lma hayotning, sinovi ko'p azaldan
Dunyo qolgan Iskandar, degan eski masaldan
Chayon nomi chayondir suv ichmaydi asaldan
Bilsang ota onangdan lek boshqasi do'st emas

Bo'yi sari barobar umr tilab yotganlar
Tuzingni yeb ortingdan buruliboq sotganlar
G'iybatingni qilib goh gunohlarga botganlar
Soxta kulib qo'lingga sharob tutgan do'st emas

O o o do'st emas, do'st emas
O o o do'st emas, do'st emas

Men umrimni alishdim orzu degan hayolga
Umrim yonib ketmasmi nega degan savolga
Vaqtni qadr-u qimmati qolmadimi uvolga
Xarxashasi kamalak ko'ngil degan do'st emas

Ishq ko'changni loy dedi tuproq dedi tonmadim
Oh urdimu ichimda alangada yonmadim
Boda tuting qancha ko'p ichaverib qonmadim
Yuragimda yurak yo'q yuragingiz do'st emas

O o o do'st emas, do'st emas
O o o do'st emas, do'st emas

Soxta kulib qo'lingga Sharob tutgan do'st emas
yoring uchun yor bo'lgan yolg'onchilar do'st emas
Yaxshi yomon kuningda yoningda birga bo'lgan
Bor tovog'im kel tovog'im demaydiganlar do'stdir

O o o do'st emas, do'st emas
O o o do'st emas, do'st emas