Umar Shamsiyev - Onam

Dunyo bo'lsa hamki samolarday keng
Onam ko'ylagiga bo'lolmaydi yeng
O'tirgan supasi tog'lardan baland
Bag'riga bo'stonlar kelolmaydi teng

U shunday soddaki xuddi go'gakday
Ishonar quvonar har bir so'zimga
Shundayin xokisor onajonimning
Poyi qolib kimni surdim ko'zimga

Onam onam onam beozorim onam
Onam onajonim mushtiparim yagonam
Onam onam onam xokisorim onam
Tunu kun boshimda mehribonim parvonam

Ko'zlarimga boqib dardim anglagan
Lekin o'z dardini qilmagan oshkor
Qancha qayg'ularni jimgina yenggan
Qaldirg'och misoli munis beozor

Bolam deb yashagan har bir onida
Mehr daryolari oqar qonida
Chekkan zaxmatlari mukofoti bu
Faqzandlari suyanch bugun yonida

Siz borsiz uyim ham misli koshona
Siz borsiz g'amlar ham menga begona
Poylari jannatim boshdagi tojim
Siz uchun hali ham bolaman onam

Onam onam onam beozorim onam
Onam onajonim mushtiparim yagonam
Onam onam onam xokisorim onam
Tunu kun boshimda mehribonim parvonam