Xayrulla Hamidov va Yusufxon Nurmatov - Tushimda

Хайрулла Ҳамидов:

Кўнгил тамоми ила номланди хирсий
Тобора ғичирлар остимда курсий
Зухтдан дарс беринг Салмоний Форсий
Кўргим келаётур сизни тушимда

Юсуфхон Нурматов:
Кўнгил силтанмайди, кўрса ҳам тобут
Бу ҳолда эртага, бўламан нобуд
Ҳолимни изоҳланг Зайт ибн Собит
Кўргим келаётур сизни тушимда

Баъзан уйқу ғолиб, бомдод ҳам малол
Ўрнингдан тур дебон, йиғлайди ҳилол
Азонни ҳис қилай, ўргатинг Ббилол
Кўргим келаётур сизни тушимда

Тинмагай шайтон деб тинмасдан сайра
Дунё беш кунлик деб эринмай яйра
Курашни ўргатиб Абу Хурайра
Кўргим келаётур сизни тушимда

Қиёмат тонгидан не эрур насаф
У кунда дарс кетиб портлагай асаб
Дунёга тупуриш не дур эй Мусаб
Кўргим келаётур сизни тушимда

Зар қадрин билади, ҳақиқий заргар
Солиҳлар дунёдан қилдилар ҳазар
Ўргатинг асли не тақво эй Абузар
Кўргим келаётур сизни тушимда

Тинмагай шайтон деб тинмасдан сайра
Дунё беш кунлик деб эринмай яйра
Курашни ўргатиб Абу Хурайра
Кўргим келаётур сизни тушимда

Хайрулло Ҳамидов:

Бевафо кўнгилдан чарчадим нолиб
Истадим Роббимни узлатда холиб
Мардликни ўрганай хазрати Али
Кўргим келаётур сизни тушимда

Вужудим титраса ўқисам Қурон
Кўрганлар девона десалар хайрон
Бу ҳолни сир не эй шахид Усмон
Кўргим келаётур сизни тушимда

Қоп қора кечалар бўлсин ёп-ёруғ
Шайтон вужумидан табобам фориқ
Мардликни ўргатинг Умар ул Фориқ
Кўргим келаётур сизни тушимда

Нажот топган қавм бўлдилар шокир
Бунда йўқ на нифоқ йўқ эрур макр
Иймондан дарс беринг эй Абубакр
Кўргим келаётур сизни тушимда

Юсуфхон Нурматов:
Қалбимдан ўтганин билади Аллоҳ
Бошқаси керакмас Аллооҳим гувоҳ
Бир бора бўлса ҳам ё Расулуллоҳ
Кўргим келаётур сизни тушимда