Ahror Po'latov - Zamon (cover)

Odamlarga ne boldi qaygadir shoshgan.
Nafratin sachratib daryodek toshgan.
Hop desang tepkilar haddidan oshgan.
Odamlar o'zgargan zamon joyida.

Qo'rqmasdan yolg'ondan tuzgan kasbini
Hozirin o'ylashar o'ylar nafsini
Tortinmay ojizdan olar qasdini
Zamon o'zgarmagan hamon joyida

Uyalmay qilarlar yorga xiyonat
Nahot odamlarda qolmagan diyonat
Javob bermoqlik bor yaqin qiyomat
Zamon yomon dema zamon joyida

Yetimning haqqidan qo'rqmaydilar hech
Yolg'on-u xasaddan kechmaydilar hech
Afsus cheksa foydasiz bo'lganida kech
Zamon o'zgarmagan zamon joyida

Jigarim deganing zahrini sochgan.
Do'sting esa axvoling ko'ribon qochgan
Shu vaqtda bir yetti yot bag'rini ochgan
So'zlar aytar shirin zabon joyida

Ona qolib qizlarga tutilgan gullar
Nafs deb Harom tomon sarflanar pullar
Sayramay qo'yarkan hatto bulbullar
Davring o'tganida gumon joyida

Ota-onasini tashlab qo'ygan bor
Haloli uydayu ko'chada bir yor
Qaytar dunyo qaytadi afsus qilib zor
Nadomatga qolarsan yomon joyida

Halol mehnat ila misqollab teramiz
Sal ko'paysa qaddimiz mag'rur keramiz
Yaratgan oldida javob beramiz
Jannat yoki do'zox tomon joyida

Zamon o'zgarmagan joyida zamon
Aslida insonlar ham yaxshi yomon
Entikib ketmoqda shum nafsi tomon
Omon qolmoqlikka qil yaxshi gumon

Mehrni ayamay bering zorlarga
Tik boqing past kelmang dilozorlarga
Quyoshni alishmang yomg'ir qorlarga
Har fasl tursin ey omon joyida