Doxxim - Gunafsha

Men seni ko'z yoshim bilan ko'mmoqdaman Gunafsha
Kechir vatandan olis begona yurtda qabring
Chinakam o'zbek ayoli sadoqatli sen o'sha
Xarsanglarni lol etgan seni metindek sabring

Sog'inib kulguchingni yillarni xatlab o'tgandim
Sepkillaring ko'kdagi yulduzlardek tovlanardi
Urush daxshatlari ichra men seni ham yo'qotgandim
Bilasan Gunafsha sepkillaring menga xush yoqardi

Sadoqat timsolisan mag'rur turding azoblarda
Yomg'ir yog'sa odamlarni olib ketding paxtazordan
Vatanga ham vijdonga ham yorga ham sadoqating bor
Ba'zi erkaklardan ko'ra seni qalbingda o'ting bor

Qomatlar xiylasiga uchmading sodda bo'lsang ham
Qo'ymading nomusingni shaytonlarga yutqazib
Paykalingdan bo'shamading garchi xorib tolsang ham
Endi sibirda man ko'moqdaman muz qazib

Chiroyli kulgichingda ko'rinadi sadoqating
Sen vafo timsolisan o'zbegimni mard qizi
Tog'larga ham o'rnak bo'lar seni sabr-u toqating
Sen Qurbon akang qalbidan mangu o'chmas yulduzi

Chiroyli kulgichingda ko'rinadi sadoqating
Sen vafo timsolisan o'zbegimni mard qizi
Tog'larga ham o'rnak bo'lar seni sabr-u toqating
Sen Qurbon akang qalbidan mangu o'chmas yulduzi

Meni seni ko'z yoshimla ko'mmoqdaman Gunafsha
Yana ozroq kutmabsanda erkam kechikdim kechir
Shu sovuq maskanga keldik mana nechi yil osha
Eng mushkul onlarda ham ketmading mendan kechib

Men vatandan olisda ketdim jang maydoniga
Gunafshaginam sen qolding ortimdan buzlab qarab
Vatan uchun voylarni men tashna bo'ldim qoniga
Sen sovuqda paxta terding barmoqlaring qaltirab

Ko'zingni och uyg'on o'zing aytib ber barin
Soddaginam o'zimni sen mardona yashab o'tding
Seni qaro yerga bugun topshirmoqda qo'llarim
Xoyinlar ichra balki sadoqatni sen uyg'otding

Ko'rsatib qo'yding zaminga insoniyat metin bardoshin
O'zbegim mardona qizi qilurman senga tazim
O'zing meni isitguvchi qaynoq mehr quyoshim
Endi sibirda man ko'moqdaman muz qazib

Chiroyli kulgichingda ko'rinadi sadoqating
Sen vafo timsolisan o'zbegimni mard qizi
Tog'larga ham o'rnak bo'lar seni sabr-u toqating
Sen Qurbon akang qalbidan mangu o'chmas yulduzi

Chiroyli kulgichingda ko'rinadi sadoqating
Sen vafo timsolisan o'zbegimni mard qizi
Tog'larga ham o'rnak bo'lar seni sabr-u toqating
Sen Qurbon akang qalbidan mangu o'chmas yulduzi