Afruza, Yorqinxo'ja Umarov - Mana shundoq (cover)

Assalomdan boshlayman,
Yeng shimarib oshlayman.
Dardingizni olgani
Do`sti jon bardoshlayman.

O`ynab-kuling yoronlar,
Dildan g`uborlar ketsin,
Mehribon qadrdonlar,
Mana shundoq, mana shundoq.

Qarilarning ichida
Bir bola dono bo`lur,
Bolalarning ichida
Bir qari bola bo`lur.

Qarisi bor uyning, hey,
Parisi bor deydilar.
Parisi bor uyning, hey,
Barisi bor deydilar.
Mana shundoq, mana shundoq.

Yurtimiz bo`lsa omon,
Yurak uchar ko`k tomon.
Dildan qo`shiq tushmaydi,
Suraylik davru-davron.

Ona yer, bo`lgin obod,
Farzandlar senga qalqon.
Tinchlik bayrog`i qo`lda,
Noming tillarda doston.
Mana shundoq, ey mana shundoq.
(Mana shundoq…)

Yaxshilikka yaxshilik bu,
Hey, har kishining ishidir bu.
Yomonlikka yaxshilik qil,
Bu mard kishining ishidir bu.

Og`a-inilar ahil bo`lsa gar,
Tog`larni ham talqon qilar.
Opa-singillar ham totuv bo`lsa,
Uyini ham bog`u-bo`ston qilar.