Ozodbek Nazarbekov - Jonim

Cен тонгда уйғондинг газга қўйдинг чой,
Бу меҳр мен учун эмас ҳойна-хой,
Сен оппоқ кўйлакка урасан дазмол
Бу ишни мен учун қилмоғинг маҳол.

Уйни супурасан поклайсан чангдан,
Супириб ўтмайсан мени бу ғамдан,
Овқат пиширасан мўл кўл дастурхон
Овқатингни мақтайди ўзга бир инсон.

Болангни кўзига боқиб тўймайсан,
Сен менинг боламни ўпиб қўймайсан,
Аммо, Ёлғиз қолсанг эгилар бошинг
Кўзингдан сўрамай оқади ёшинг.

Мени Соғиндингми, куйдингми? Рахмат,
Кўз ёшинг меники, кўз ёшинг фақат.