Akbar - Hech kimga o’xshagim kelmadi qo`shiq matni

Olimlar aro bir shoirman,
Lek yolg`on termalar termadim,
Ne yozsam, qalbimga doirman,
Hech kimga o`xshagim kelmadi.

Ilm izlab, olimman demadim,
Garmsel shamoldek yelmadim,
Nomardning yeganin yemadim,
Hech kimga o`xshagim kelmadi.

Egilib goh o`ngu so`liga,
Yurmadim shaytonning yo`liga,
Boqmadim baxlning qo`liga,
Hech kimga o`xshagim kelmadi.

Nomiga tashlab ko`z qirimni,
Tilmadim hech kimning dilini,
Sotmadim sirdoshim sirini,
Hech kimga o`xshagim kelmadi.

Kitob, she`r ko`ngilning mulkidir,
Olimlik, ilm el ko`rkidir,
Lek nechun qalbimda qayg`udir,
Hech kimga o`xshagim kelmadi.

Suratim bir mening siyratim,
Goh mungli, goh o`ychan kuyladim,
Qalamim yurakka qayradim,
Hech kimga o`xshagim kelmadi.

Qaranglar o`g`limga, qizimga,
Ukamu singlim va izimga,
Hammasi o`xshaydi o`zimga,
Hech kimga o`xshagim kelmadi.

O`xshasam o`xshadim otamga,
Oppoq soch, sodda dil onamga,
Xoslatu hislat o`zbegimga,
Hech kimga o`xshagim kelmadi.

O`tinchim – birovga o`xshatmang,
G`iybatlar dog`ida kuydirmang,
She`r yozsam, shoirga tenglamang,
Hech kimga, hech kimga o`xshagim kelmadi.

Комментарии (0)
Найти музыкальный трек, скачать его, получить тексты любимых хитов и даже посмотреть клип можно на музыкальном портале UZHITS.NET. Здесь собраны лучшие хиты Узбекистана.
По всем вопросам пишите на: [email protected]