Anvar G`aniyev - Sog’inib keldim qo`shiq matni

Hajrining beshafqat qiynoqlaridan,

Ming bora to`kildim, ming bora to`ldim. (x2)

Adashgan taqdirning so`qmoqlarida, {x2}

Yig`lama, men seni sog`inib keldim. {x2}

Keldim sening ishqing dilimga solib,

Necha bor tirildim, necha bor o`ldim.

Oshiq yuragimni qo`limga olib, {x2}

Suyganim, men seni sog`inib keldim. {x2}

O`zga og`ushlarda titradim yonib,

Yulduzday charaqlab, quyoshday kuldim.

Bugun hammasidan, baridan kechib, {x2}

Baribir men seni sog`inib keldim. {x2}

Qaydasan, chorlasam yetmas ovozim?

Yo chaqir, yoningda bo`layin paydo. (x1+x1)

Suyganim, men seni sog`indim axir, {x2}

Yig`lama, men seni sog`inib keldim. {x2}