Anvar Sobirov - Xato qilmagan qo`shiq matni

O`nqir-cho`nqir bo`lsa umr yo`llari,

Xatolar qilmaydi kimning qo`llari? (x2)

Adashgan hatto Haqning valiylari,

Kim bor adashmagan, xato qilmagan? (x2)

Hayajon, vahima domida qolib,

Imtihon chog`ida yanglishar tolib. (x2)

Bu sinov dunyosi kelganda g`olib,

Kim bor adashmagan, xato qilmagan? (x2)

Cho`lg`onib ba’zida kimxob atlasga,

Aldanib gohida hoyu-havasga, (x2)

Bilmayin do`st bo`lib nomard, nokasga,

Kim bor adashmagan, xato qilmagan? (x2)

Kim bor adashmagan, xato qilmagan?

Hech kimning taqdiri emas qo`lida,

Insonni ne kutar bilmas yo`lida, (x2)

Shaytonga qo`l berib dunyo o`yida,

Kim bor adashmagan, xato qilmagan? (x2)

Xatosini tugatmagan mard emas,

Kechirmaslik bandasiga xos emas, (x2)

Adashgandan yuz o`girmoq shart emas,

Kim bor adashmagan, xato qilmagan? (x2)

Kim bor adashmagan, xato qilmagan?

Oh, kim bor adashmagan, xato qilmagan?