Madina Mumtoz - Otam qo`shiq matni

Mening yaxshi kunim ko`rmagan otam,
Borimga quvonib yurmagan otam, (x2)
Baxtim kulib, muhabbatim topganda
“Bolam” deb duolar qilmagan otam.

Baxtim kulib, o`z juftim topganda
“Bolam” deb duolar qilmagan otam.
Mening yaxshi kunim ko`rmagan otam,
Borimga quvonib yurmagan otam.

O`ksigan dilimni to`ldirdi onam,
Ko`zida yosh bilan kuldirdi onam,
Taqdirda boriga ko`ndirdi onam,
Chaqirsam yonimga kelmagan otam.

Bugun quchog`imda o`ynaydi bolam,
Bag`rimni to`ldirib quvnaydi bolam,
Ota, huddi sizga o`xshaydi bolam,
Erka nabirasin ko`rmagan otam.

Ota, huddi sizga o`xshaydi bolam,
Erka nabirasin ko`rmagan otam.
Mening yaxshi kunim ko`rmagan otam,
Borimga quvonib yurmagan otam.

Tushlarimga kirar sog`ingan mahal,
Yulduzlar samodan keltirar xabar,
Yodimdan qo`ymasman qiyomat qadar,
Bu yorug` olamga to`ymagan otam.

Mening yaxshi kunim ko`rmagan otam,
Borimga quvonib yurmagan otam.
Mening yaxshi kunim ko`rmagan otam.