Nilufar Usmonova - Hofizam onam qo`shiq matni

Millionlar dardiga darmonu malham,
Bor hayoti sabr, bardoshu chidam,
Xiyonat qilmaydi o`zligiga ham,
Aytgan qo`shiqlari tinglagan alam,
Dunyoda yagona hofiza onam.

Umidi erta kun, bugundan rozi,
Dillarni sel qilar shirin ovozi,
Hech vaqt tinmasin-ey qalbining sozi,
Aytgan qo`shiqlari tinglagan alam,
Men uchun bir dona hofiza onam.

Bag`rida ummon, boshida Rahmon,
Yig`lasa, yig`lasa qo`shilib yig`laydi osmon.
Baxtimga doim bo`ling sog`-omon,
Xalqining kuychisi hofiza onam –
Yulduzi Usmon.

Ko`zlaridan mehr nurlari toshar,
Farzand farzandiga kuyunib yashar,
Tunlarim yoritgan hilolga o`xshar,
Bugun senga baytim, kuyim-u nolam,
Boshimda toj-davlat, hofiza onam.

Qoqilsa el qo`llab tutar qo`lini,
Haq o`zi yoritar azob yo`lini,
Hech qachon ko`rmasin armon cho`lini,
Kichik jussasida dardi bir olam,
Qadding bukilmasin hofiza onam.

Maqtovlarin tinglab kuyidan,
Erkalashin tuydim she`ridan,
Unib-o`sdim, qalbin qo`rida,
Ayting, qo`shiqlaringiz – eshitgan allam,
Yagonam, qalbginam, hofiza onam, onajonim.

Bag`rida ummon, boshida Rahmon,
Yig`lasa, yig`lasa qo`shilib yig`laydi osmon.
Baxtimga doim bo`ling sog`-omon,
Xalqining kuychisi hofiza onam –
Yulduzi Usmon.

Xalqining kuychisi hofiza onam –
Yulduzi Usmon, Yulduzi Usmon.

Комментарии (0)
Найти музыкальный трек, скачать его, получить тексты любимых хитов и даже посмотреть клип можно на музыкальном портале UZHITS.NET. Здесь собраны лучшие хиты Узбекистана.
По всем вопросам пишите на: [email protected]