Zulayho Boyxonova - Dilimdagilar qo`shiq matni

Dilimni og`ritdi dilimdagilar,
Tunu kun nomlari tilimdagilar,
Oftobim, shamolim, selimdagilar,
Men ularni kechiray, bir qudrat bergin,
Allohim, mehringdan bir xilvat bergin.

Zaharlar keltirdi, sharoblar tutdim,
G`iybatlar uydirdi, itoblar tutdim,
Qasamlar ichdilar, savoblar tutdum,
Men ularni kechiray, bir qudrat bergin,
Allohim, mehringdan bir xilvat bergin.

Dasturxon to`rimda sharbat totdilar,
O`girildim ortimdan g`iybat otdilar,
Ular buncha meni oson sotdilar,
Men ularni kechiray, bir qudrat bergin,
Allohim, mehringdan bir xilvat bergin.

Dushmanim ayyordir, paytlar poylaydi,
Do`stim esa nodon, suvni loylaydi,
Ikkisi bir bo`lib ko`zim boylaydi,
Men ularni kechiray, bir qudrat bergin.

Jonimga jazodir jonimdagilar,
Ko`zimning qarog`i qonimdagilar,
Ey voh, begonadir yonimdagilar,
Men ularni kechiray, bir qudrat bergin,
Allohim, mehringdan bir xilvat bergin.

Aslida do`st ham bir dushmanning turi,
Dushmanning eng zo`ri, dushmanning sheri,
Chunki qo`lidadir ko`nglimning siri,
Men ularni kechiray, bir qudrat bergin,
Allohim, mehringdan bir xilvat bergin.

Boshimga balodur, balodur ko`nglim,
Bir so`zning tig`idan yarodur ko`nglim,
Do`stu dushman aro adodur ko`nglim,
Men ularni kechiray, bir qudrat bergin,
Allohim, mehringdan bir xilvat bergin.

O`zingdan yo`q o`zga mahrami jonim,
O`zingsan Sultonim, O`zing Xoqonim,
O`tda kuydirmagin ikki jahonim,
Men ularni kechiray, bir qudrat bergin,
Allohim, mehringdan bir xilvat bergin.

Men ularni kechiray, bir qudrat bergin,
Allohim, mehringdan bir xilvat bergin.





Похожие песни и клип

Название и исполнитель БитрейтДата Скачать
Gulsanam Mamazoitova - Yigitga qo`shiq matni128 kbps20-10-2016, 21:35Скачать
Kaniza - Va'da bergin (feat Doston Ubaydullayev)128 kbps25-06-2015, 19:53Скачать
Qudrat Tolipov - Jonim sevgimsan128 kbps20-06-2015, 16:44Скачать
Iste'dod - Yordam bergin128 kbps4-06-2015, 00:45Скачать
Shahruz - Qo'llaringni bergin 128 kbps10-03-2015, 22:44Скачать

Здесь вы можете скачать mp3 Узбекские музыку 2017 бесплатно.