Ozodbek Nazarbekov - Ayollar qo`shiq matni

Qalbimni qiynaydi quzg`un savollar,
Nahotki, sizda yo`q shirin xayollar?
Qalbimni tirnaydi quzg`un savollar,
Nahotki, sizda yo`q shirin xayollar?
Chaqinning umricha dunyoda sizga,
Yolg`izlik yaxshimi, yolg`iz ayollar?

Oyday chiroyingiz dardlarga malham,
Lek unga quvonib yurmang sira ham.
Me’yoridan oshsa, yoqmas shira ham,
Yolg`izlik yaxshimi, yolg`iz ayollar? {x2}

Sizlar asli baxtning poydevorisiz,
Butun bir millatning sha’ni, orisiz.
Nechun dilingizning dil ozorisiz,
Yolg`izlik yaxshimi, yolg`iz ayollar?

Hamma ro`zg`orda ham kamu-ko`st bo`lar,
Shundan dono ayol shirin so`z bo`lar,
Shunda baxt sizlarga doim do`st bo`lar
Yolg`izlik yaxshimi, yolg`iz ayollar?

Erni er qilguvchi mushfiq yor bo`ling,
Bir oz og`ir bo`ling, xokisor bo`ling,
Umringiz o`tmoqda, tez hushyor bo`ling,
Yolg`izlik yaxshimi, yolg`iz ayollar?

Atrofga bir boqing, naqd ko`rinadi,
Turmushli ayolda ahd ko`rinadi,
Yig`lasa, yoshida baxt ko`rinadi,
Yolg`izlik yaxshimi, yolg`iz ayollar?

Yolg`izlik birgina yaratganga xos,
Sizdan qizingizga baxt bo`lsin meros, (x2)
Yolg`izlikka ko`nib qolmang, iltimos,
Yolg`izlik yaxshimi, yolg`iz ayollar?

O`zingiz bir yonda, yoringiz bir yon,
Aro yo`lda qolgan farzandlar giryon,
Hatto, yolg`izlikni suymaydi chayon,
Yolg`izlik yaxshimi, yolg`iz ayollar?

Hech yoqmadi, demang yozgan bu bayting,
Turmush deb atalgan baxt tomon qayting, (x2)
Ko`zlarimga qarab, rostini ayting,
Yolg`izlik yaxshimi, yolg`iz ayollar?

Qalbimni qiynaydi quzg`un savollar,
Nahotki, sizda yo`q shirin xayollar?
Chaqinning umricha dunyoda sizga,
Yolg`izlik yaxshimi, yolg`iz ayollar? {x3}

Yolg`izlik yaxshimas, aziz ayollar…