Yalla ansambli - Kelibdi qo'shiq matni

Yor uyiga kelinposhsha ibo bilan kelibdi,
Kuyovto`ra yuragiga shifo bilan kelibdi.
Asta-asta qadam bosar, qutlug` bo`lsin qadamlar, {x2}
Hayo bilan hirom aylab, xino bilan kelibdi.

Kelibdi, kelibdi, xino bilan kelibdi,
Kelibdi-yo, kelibdi, xino bilan kelibdi.

To`y oqshomi xonadonga nur taralib bir zumda, {x2}
Go`yo tunda quyosh chiqib, ziyo bilan kelibdi.
Nazokati, chiroyi yoshligiga nur qo`shibdi,
Andisha-yu odob degan sarpo bilan kelibdi.

Kelibdi, kelibdi, sarpo bilan kelibdi,
Kelibdi-yo, kelibdi, sarpo bilan kelibdi.

Uzukka ko`z solgan misol kuyov bola yonida,
Go`yo kuyov Tohir bo`lib, Zuhro bilan kelibdi.
Sevgi baxtin ko`z-ko`z etar, ko`z tegmasin baxtiga, {x2}
Boshiga baxt qushi qo`nib, humo bilan kelibdi.

Kelibdi, kelibdi, humo bilan kelibdi,
Kelibdi-yo, kelibdi, humo bilan kelibdi.

Bu dargohdan ketmas bo`lib kelgan bo`lsin ne mo`min, {x2}
Yuragida ahdu-paymon, vafo bilan kelibdi.
Nazokati, chiroyi yoshligiga nur qo`shibdi,
Andisha-yu odob degan sarpo bilan kelibdi.

Kelibdi, kelibdi, sarpo bilan kelibdi,
Kelibdi-yo, kelibdi, vafo bilan kelibdi.