Shuhrat Daryo - Oqqushlar qo'shiq matni

Nurli manzillarga ko`zlarin tikib,
Ketib borar edi bir to`p oqqushlar.
Sadaf tizimiday mavoda uchib,
Ko`chib borar edi bir to`p oqqushlar.

Har biri ko`nglida yorug` orzular,
Yellar to`lqiniga urar to`shini.
Xayolda tiklanar munavvar kunlar,
Ko`zlarim kuzatar suygan qushini.

Qayerdasiz mening sodiq do`stlarim,
Qayerdasiz mening sodiq do`stlarim? (x2)

Bilmadim, xoribmi, yiqildi behush,
Tasbeh shodasidan uzildi nogoh.
Zaminga quladi oppoq qush behush,
Barchasi qayrilib, bo`ldilar ogoh.

Oqqushlar karvoni qaytmadi biroq,
Chalajon do`stini olib ketmadi.
Nahotki, dillari vafodan yiroq,
Hech bo`lmasa jufti qolib ketmadi.

Ey dunyo, hadikka to`ldi bu ko`ngil,
Bir do`stu mahramga dillar zor ekan.
O`ksiydi sadoqat nomli ma'yus gul,
Toki vafo qilmas do`stlar bor ekan.

Qayerdasiz mening sodiq do`stlarim,
Qayerdasiz mening sodiq do`stlarim? (x2)

Qulagan oqqushday pitirlar jonim,
Garchi eplay olgum kamu-ko`stlarim.
Yolg`izlik ezadi sizsiz har onim,
Qayerdasiz mening sodiq do`stlarim?

Yolg`izlik ezadi sizsiz har onim,
Qayerdasiz mening sodiq do`stlarim?

Комментарии (0)
Найти музыкальный трек, скачать его, получить тексты любимых хитов и даже посмотреть клип можно на музыкальном портале UZHITS.NET. Здесь собраны лучшие хиты Узбекистана.
По всем вопросам пишите на: [email protected]