Sherali Jo'rayev - Dilbar qo'lida sozi qo'shiq matni

Dilbar qo`lida sozi,
Har pardasida nozi,
Noz uzra ishq rozi,
Ko`zi xumor kuylar,
Chertib dutor kuylar.

Kuylar ko`ngil xumorin,
Ham san'atin, bahorin,
Aytib ko`ngilda borin,
Gulyuznigor kuylar,
Chertib dutor kuylar.

Atlas libosi gulgun,
Ham qoshiyosi gulgun, (x2)
Nozu adosi gulgun,
Mastonavor kuylar,
Chertib dutor kuylar.

Ohangi dilga monand,
Jon pardasiga payvand,
U borini etib band,
Mastonavor kuylar,
Chertib dutor kuylar.

Baxtin etib tarona,
Kuylaydi yona-yona,
Shu dilrabo zamona,
Yahyoga yor kuylar,
Ko`zi xumor kuylar,
Chertib dutor kuylar.

Mastonavor kuylar,
Gulyuznigor kuylar,
Ko`zi xumor kuylar,
Yoriga zor kuylar.