Munisa Rizayeva - Vatan qo'shiq matni

Qalbimning to`rida go`zal siyrating,
Ko`zim gavharida surating turar,
Bag`ringdagi otash shu harorating,
Boladek erkalab, dilni yayratar.

Vatan – sajdagohim, sensiz men kimman?
Sen borki mavj urar ko`ksimda g`urur.
Vatan – sajdagohim, sensiz men kimman?
Sensiz etolmasman o`zni tasavvur.

Yiroqda musofir millatdoshimning
Kuyuk nolasida ko`raman seni.
Yo`limga boqqanda har yurtdoshimning
Suyuk bolasida ko`raman seni.

Vatan – sajdagohim, sensiz men kimman?
Sen borki mavj urar ko`ksimda g`urur.
Vatan – sajdagohim, sensiz men kimman?
Sensiz etolmasman o`zni tasavvur.

Dilkash og`ushingda erkin yashasam,
Men yana nimani kutayin sendan?
Sen ham yuragimda mangu yashaysan,
Suyanchim, sevinchim, azizim Vatan. {x2}

Vatan – sajdagohim, sensiz men kimman?
Sen borki mavj urar ko`ksimda g`urur.
Vatan – sajdagohim, sensiz men kimman?
Sensiz etolmasman o`zni tasavvur. (x2)