Sherali Jo'rayev - Olloh-Olloh qo'shiq matni

Hurlar bormish u yonda marvarid marjondek,
Pokiza ermish nihoyat, pokiza iymondek. (x2)
Vasliga yetmakka oning bu umr yetmas emish,
Lek anga yetmakka bormish rahnamo Qur'ondek.

Olloh-Olloh, shundayin izzat nasib etgin menga, {x2}
Hurlar qoshidagi himmat nasib etgil menga. {x2}

Ikki dunyo borligi rostdir mudom, rostdir mudom,
Bu tomon aldoqchi derlar, u tomon rostdir mudom, (x2)
Bunda kim och, kimsa to`q, kimlarga ko`p sozdir mudom,
Kimni yozi qish esa, kimlarga qish yozdir mudom,
Har kimning bosgan izi niyatiga mosdir mudom.

Hurlar bormish u yonda marvarid marjondek,
Pokiza ermish nihoyat, pokiza iymondek.
Vasliga yetmakka oning bu umr yetmas emish,
Lek anga yetmakka bormish rahnamo Qur'ondek.

Olloh-Olloh, shundayin izzat nasib etgin menga, {x2}
Hurlar qoshidagi himmat nasib etgil menga. {x2}

Pok yursang bu jahonda, senga shuldir toju-taxt,
Kelganing haq, ketmaging haq, oxirat ham barhaq, (x2)
Jannatu do`zaxni Tangrim qilmishing-chun qildi taxt.

Pok yursang bu jahonda, senga shuldir toju-taxt,
Kelganing haq, ketmaging haq, oxirat ham barhaq,
Jannatu do`zaxni Tangrim qilmishing-chun qildi taxt,
Haq Taoloning yo`li ikki dunyoyingga baxt,
Ushbu yo`lda kimki o`tdi, hurlar tutgay qadah.

Olloh-Olloh, shundayin izzat nasib etgin menga, {x2}
Hurlar qoshidagi himmat nasib etgil menga. {x3}