Yulduz Usmonova - Devonalarmiz qo'shiq matni

Bir to`shakda, bir ko`rpada yotib yonma-yon,
Uxlayapmiz axir, dema – begonalarmiz.
To`shagimiz zamin bo`lsa, ko`rpamiz osmon,
Yonboshlikni anglolmagan devonalarmiz. (x2)

Devonalarmiz, devonalarmiz,
Qondoshlikni anglolmagan devonalarmiz.
Sarsonalarmiz, begonalarmiz,
Bir qorindan tug`ilsak-da begonadaymiz.

Devonalarmiz, devonalarmiz,
Jondoshlikni anglolmagan devonalarmiz.
Sarsonalarmiz, devonalarmiz,
Bir qorindan tug`ilsak-da begonadaymiz.

Bir ildizdan ko`karganmiz, muazzam olam,
Beshigimiz kemasida afsonalarmiz.
Momo Havo onamizdir, otamiz – Odam,
Qondoshlikni anglolmagan devonalarmiz.

Bani bashar oshyoni shu mitti sayyora,
Qo`lni qo`lga bersak, go`yo marjonalarmiz.
Tinch va totuv yashasak, baxt topgaymiz zora,
Yolg`on so`zdan ona yig`lab, yolg`on dunyomiz.

Devonalarmiz, devonalarmiz,
Qondoshlikni anglolmagan devonalarmiz.
Sarsonalarmiz, begonalarmiz,
Bir qorindan tug`ilsak-da begonadaymiz.

Devonalarmiz, devonalarmiz,
Yondoshlikni anglolmagan devonalarmiz.
Sarsonalarmiz, devonalarmiz,
Bir qorindan tug`ilsak-da begonadaymiz.