Oxunjon Madaliyev - Yolg'iz ayol qo'shiq matni

Yeganin osh demang yolg`iz ayolning,

Shayton tovog`iga qo`lin soladi. (x2)

Dasturxon boshida dadasin qo`msab,

Yo o`g`li yo qizi yig`lab qoladi. (x2)

Yurganin yo`l demang yolg`iz ayolning,

Kiftiga malomat botib boradi. (x2)

Qo`sha jon qiynalib, tortolmay turgan

Aravani yolg`iz o`zi tortib boradi. (x2)

Tunlarin tinch demang yolg`iz ayolning,

Yo`qotgan uyqusin izlab qoladi.

Alahlab, dadasin chaqirsa qizi,

Alamdan yostiqni tishlab oladi.

U ayolda, demang, axir uning ham

O`z idroki bordir, yugurik qoni.

Til tekkiza ko`rmang uning sha'niga,

Quyoshga tenglashib bormoqda joni.

Til tekkiza ko`rmang uning sha'niga,

Quyoshga tenglashib bormoqda joni.

Yeganin osh demang yolg`iz ayolning,

Shayton tovog`iga qo`lin soladi.

Dasturxon boshida dadasin qo`msab,

Yo o`g`li yo qizi yig`lab qoladi. {x3}

Yig`lab qoladi, yig`lab qoladi...