Sahar - Fasl qo'shiq matni

Es-hushim yo`qotdim seni izlab,
Vaslingni eslatar ma’yus xayollar.
Yuragimni qayg`ular, dardlar bosdi,
Bir zum seni eslab yana.

Oynadek sof, toza qalbim sindirib,
Oppoq orzularim baxtim o`ldirib,
To`xtab qolar hayotim, yurmas sira,
Bir zum seni eslab yana.

Endi seni ko`rsam tushlarimda,
Vaslingni chizsam xayolimda,
Lablaring uzra tomchilardan
Yomg`irlar yog`sa qo`llarimga.

Sen – kuz istagan, bahor talpingan,
Qish izlagan, yoz sog`ingan orzular.
Sen – yomg`ir bo`lib gullarni o`pgan,
Quyosh bo`lib sovuq qorlarni eritgan.

Yulduzlarni o`chirishga shoshilma,
Yorug`, go`zal oyning xayolin olma.
U ham mendek aqldan ozib qolgan,
Bir zum seni eslab yana.

Endi seni ko`rsam tushlarimda,
Vaslingni chizsam xayolimda,
Lablaring uzra tomchilardan
Yomg`irlar yog`sa qo`llarimga.
Sen – kuz istagan, bahor talpingan,
Qish izlagan, yoz sog`ingan orzular.
Sen – yomg`ir bo`lib gullarni o`pgan,
Quyosh bo`lib sovuq qorlarni eritgan. (x2)