Ahad Qayum - Ayolni yig'latgan erkak

Bir nozik gul kabi avaylamasa,
Ayolni yig'latgan yurak yurakmi?
Quvonchdanmas g'amdan ko'zi yoshlansa,
Ayolni yig'latgan erkak erkakmi?

Seni sevaman deb avval dil berib,
Yo'llarini poylab avval gul berib,
So'ngra ko'z oldida xiyonat qilib,
Ayolni yig'latgan erkak erkakmi?

U bir ojizadir ojiza ayol,
U bir mo'jizadir mo'jiza ayol,
Bir nomard inson deb ranjisa ayol,
Ayolni yig'latgan erkak erkakmi?

Ko'nglingning bekasin asragin do'st,
Uying farishtasin asragin do'st,
Muhabbat rishtasin asragin do'st ,
Ayolni yig'latgan erkak erkakmi?

Yurakdan har dog'ni o'chiraversa,
Dardlarini baxtga ko'chiraversa,
Barcha hatolaring kechiraversa,
Ayolni yig'latgan erkak erkakmi?

Ahad Qayum sizdan so'raydi har kun,
Singlingiz Onangiz qizingiz uchun,
Bajaring lavfzingiz yigitlik burchin,
Ayolni yig'latgan erkak erkakmi?