Ahad Qayum - Sog'inib ketdim

Mehribonim, yolg'izim,
Sen bilan baxtli edim.
Izlaringa zor ko'zim,
Seni sog'inib ketdim.

Kelmaydi sendan xabar,
Yuragim notinch tepar,
Ko'nglim sen tomon chopar,
Seni sog'inib ketdim.

Siqib ko'krak qafasim,
Yetmay qolar nafasim,
So'lib borar gulfaslim,
Seni sog'inib ketdim.

Hech kim yordam berolmas,
Seningdayin bo'lolmas,
Yuragimga kirolmas,
Seni sog'inib ketdim.

Sog'inib ketdim yomon,
Dilda boshlandi to'fon,
Yolg'izlik ezdi ishon,
Seni sog'inib ketdim.

Sendan umidim borda,
Ko'z yoshlar bermas dalda,
Men tirikman har holda,
Seni sog'inib ketdim.

Telbadir oshiq Ahad,
Seni sevadi faqat.
Tugadi sabru toqat,
Seni sog'inib ketdim.