Tavakkal Qodirov - Dilbarim

Dilbarim, la’lilaring labmidi, g’unchamidi
Qirmizi rang yuzlaring yo shirmoyi kulchamidi

Tob berolmay, lol qolurman shahlolaringning oldida
Ko’zlaringning shu’lasi lovullagan kunchamidi
Aqlu hushim chirmagan kokillaring har tolasi,
Buncha ham tim qoradur yo zim-ziyo tunchamidi

Men vafodan so’zlasam, ishvalaring jonim yoqar,
Hijronu sitamlaring ag’yor kulgunchamidi

Tunlari bedor kutgan gulgun visoling muddati,
Qayg’u bilmas yuragim hijronga to’lgunchamidi?
Yo’llaringga ko’z tutarman, nega boqmaysan menga,
Vaslingga zor yigitning qiymati shunchamidi?