» » Toshkentdagi uylardan birida ilon chiqqani xabar qilindi

Toshkentdagi uylardan birida ilon chiqqani xabar qilindi

Facebook’dagi “Potrebitel.uz” guruhi a’zolaridan biri Toshkent shahri Yashnobod tumani hududida joylashgan uyidan ilon chiqqanini ma’lum qilib, u zaharli yoki zaharsizligini va bu yuzasidan qaysi muassasaga murojaat qilish lozimligini so‘ragan.

 

Toshkentdagi uylardan birida ilon chiqqani xabar qilindi

 

Foydalanuvchining so‘zlariga ko‘ra, uzunligi 40—50 santimetr bo‘lgan ilonni ko‘rgan uy sohiblari uni stulga bog‘lab qo‘ygan. Keyinroq ular uzunroq — taxminan 1 metrlik boshqa ilonni ko‘rgani, biroq uni tutishga qo‘rqqani aytilgan. Tutilgan ilonni uy egalari qo‘rqmasligi uchun qo‘shnilardan biri olib ketgani ma’lum qilingan.

Xabar muallifining yozishicha, Davlat veterinariya xizmati va Toshkent hayvonot bog‘iga qo‘ng‘iroq qilganida, ushbu muassasalar ilon bilan shug‘ullanishdan bosh tortgan. Xabarga izoh qoldirgan guruh a’zolarining ko‘pchiligi Favqulodda vaziyatlar vazirligiga murojaat qilish kerakligini aytgan. Shuningdek, bunday ilonlar zaharli bo‘lmasligini ko‘pchilik ta’kidlagan. Uyda mushuk yoki tipratikan saqlansa, ilonlar bo‘lmasligi e’tirof etilgan.

 



Manba: daryo.uz





Здесь вы можете скачать mp3 Узбекские музыку 2017 бесплатно.