» » Ukraina bosh prokuraturasi 8 ming militsioner va harbiy xizmatchi ayirmachilar tomoniga o‘tganini ma’lum qildi

Ukraina bosh prokuraturasi 8 ming militsioner va harbiy xizmatchi ayirmachilar tomoniga o‘tganini ma’lum qildi

Donbassdagi qurolli nizo boshlanganidan beri Ukrainaning 8 ming nafar militsiya xodimi va harbiy xizmatchisi ayirmachilar tomoniga o‘tib ketdi. Bu haqda Ukraina bosh harbiy prokurori Anatoliy Matios ma’lum qildi, deb xabar beradi Meduza.

Ukraina bosh prokuraturasi 8 ming militsioner va harbiy xizmatchi ayirmachilar tomoniga o‘tganini ma’lum qildi

 

Uning qo‘shimcha qilishicha, hozirgi vaqtda bu kabi odamlarni javobgarlikka tortish uchun dalillar to‘planmoqda.

“Bizda to‘liq ro‘yxat bor. Hozirgi vaqtda dushman tomoniga o‘tib ketgan 5 ming nafar huquqni muhofaza qilish xodimi, 3 mingga yaqin harbiy xizmatchiga aloqador dalillarni to‘playapmiz, ular javobgarlikka tortiladi”, — Matios.

Anatoliy Matios avvalroq Donbassdagi nizo hududida mintaqaviy harbiy prokuraturani tashkil etish rejalashtirilayotganini e’lon qilgandi. Bosh harbiy prokurorning qo‘shimcha qilishicha, Ukraina xavfsizlik xizmatining ham xuddi shunday bo‘linmasi tashkil etiladi.

 


Manba: daryo.uz









Здесь вы можете скачать mp3 Узбекские музыку 2017 бесплатно.