» » AQSh Fransiyaga Pikassoning 15 million dollar turadigan “Sartarosh ayol” suratini qaytardi

AQSh Fransiyaga Pikassoning 15 million dollar turadigan “Sartarosh ayol” suratini qaytardi

Amerika Qo‘shma Shtatlari Fransiyaga Pablo Pikassoning “Sartarosh ayol” (La Coiffeuse) suratini qaytardi. Keyingi 14 yil davomida yo‘qolgan deb hisoblab kelingan kartinani topshirish marosimi Vashingtondagi Fransiya elchixonasida bo‘lib o‘tdi. Surat o‘zining asl joyi — Parijdagi zamonaviy san’at muzeyi ixtiyoriga topshiriladi. Bu haqda “TASS” xabar qilmoqda.

 

AQSh Fransiyaga Pikassoning 15 million dollar turadigan “Sartarosh ayol” suratini qaytardi

 

Surat o‘tgan yil oxirida Nyu-York bojxonasida Belgiyadan jo‘natilgan posilka ichidan topilgan. “Narxi 30 yevro turadigan badiiy o‘xshatma”, deya izoh berilgan buyum bojxonachilarda shubha uyg‘otgan va ular san’atshunoslarga murojaat etishga qaror qilgan.

Pikasso tomonidan 1911-yilda yaratilgan surat yo‘qolgan payti — 2001-yilda 2,5 million dollarga baholangan. Hozirgi kunda uning narxi kamida olti barobar oshgani taxmin qilinmoqda.

 


Manba: daryo.uz









Здесь вы можете скачать mp3 Узбекские музыку 2017 бесплатно.