» » Bag‘doddagi ketma-ket portlashlar natijasida 20 dan ortiq odam halok bo‘ldi

Bag‘doddagi ketma-ket portlashlar natijasida 20 dan ortiq odam halok bo‘ldi

Bag‘dodda 15-avgust, shanba kuni yuz bergan ketma-ket portlashlar natijasida 24 kishi halok bo‘ldi. Bu haqda “RBK” xabar bermoqda.

Bag‘doddagi ketma-ket portlashlar natijasida 20 dan ortiq odam halok bo‘ldi

 

Teraktlar ketma-ketligi Bag‘dodning shialar istiqomat qiluvchi Habibiyya tumanidan boshlandi — bu yerda bomba o‘rnatilgan avtomobil portlatildi. Terakt oqibatida 15 kishi halok bo‘ldi, yana 35 kishi tan jarohati olgan.

Bag‘dod shimolidagi Toji tumanida joylashgan avtomobil ehtiyot qismlari do‘konida yuz bergan portlash oqibatida ikki kishi halok bo‘ldi, yetti kishi tan jarohati oldi. Jisr Diyala, Madain va Iskan bozorlarida yuz bergan teraktlar natijasida yetti kishi qurbon bo‘ldi.

Bir necha kun avval Iroq poytaxti shimoli-sharqida, shialar istiqomat qiluvchi tumandagi gavjum Sadr-sity bozorida avtomobilga o‘rnatilgan portlovchi qurilmaning ishga tushirilishi oqibatida kamida 76 kishi halok bo‘lgan, 200 dan ortiq odam tan jarohati olgandi.

Mazkur terakt uchun javobgarlikni “Iroq va Shom Islom davlati” (IShID) terrorchilik tashkiloti o‘z bo‘yniga olgan.

 


Manba: daryo.uz









Здесь вы можете скачать mp3 Узбекские музыку 2017 бесплатно.