» » “Paxtakor” klubining U-12 jamoasi Koreyadagi futbol festivalida g‘olib bo‘ldi

“Paxtakor” klubining U-12 jamoasi Koreyadagi futbol festivalida g‘olib bo‘ldi

7—10-avgust kunlari Janubiy Koreyaning Ansong shahrida Osiyo klublari o‘rtasida futbol festivali o‘tkazildi, deya xabar bermoqda “Paxtakor” futbol klubi rasmiy sayti.

“Paxtakor” klubining U-12 jamoasi Koreyadagi futbol festivalida g‘olib bo‘ldi

 

Unda O‘zbekiston sharafini “Paxtakor” akademiyasining 2003-yilda tavallud topgan tarbiyalanuvchilari himoya qildi. Dmitriy An boshchiligidagi jamoa Mo‘g‘ulistonning “DMU Sport”, Janubiy Koreyaning “Juyun”, “Jovanni akademiya” va “Jey sokker A” jamoalarini mag‘lubiyatga uchratib, bosh sovrin sohibi bo‘ldi.

Dmitriy An musobaqa haqida fikrlarini bildirib o‘tdi:

— Klublar o‘rtasidagi festival janubiy koreyaliklar tomonidan juda yuqori saviyada tashkil etildi. Ishtirokchilarga barcha qulay sharoitlar yaratib berildi. Bolalar boshqa mamlakat jamoalari bilan bahslarda o‘z kuchlarini sinab ko‘rdi. Gap natijada ham emas. Shogirdlarim ilk bor xorijga safar qilib, xalqaro musobaqada ishtirok etdi. Ular bundan katta taassurotlar oldi.

 



Manba: daryo.uz





Здесь вы можете скачать mp3 Узбекские музыку 2017 бесплатно.