» » Milliy kutubxonada ibn Sino tavalludining 1035 yilligiga bag‘ishlangan kitob-rasmli ko‘rgazma ochildi

Milliy kutubxonada ibn Sino tavalludining 1035 yilligiga bag‘ishlangan kitob-rasmli ko‘rgazma ochildi

16-avgust kuni O‘zbekiston Milliy kutubxonasida Sharqning ulug‘  allomasi Abu Ali ibn Sino tavalludining 1035 yilligiga bag‘ishlangan “Buyuk alloma qomusiy olim” nomli kitob-rasmli ko‘rgazma ochildi, deya xabar bermoqda Milliy kutubxona rasmiy sayti.

Milliy kutubxonada ibn Sino tavalludining 1035 yilligiga bag‘ishlangan kitob-rasmli ko‘rgazma ochildi

 

Buyuk forsiy qomusiy olim, faylasuf, tabib, shoir, musiqachi va matematigining ilmiy merosi bebaho. U ilmning barcha sohalarini: falsafa, mantiq, musiqa, she’riyat, tilshunoslik, tibbiyot, matematika, astronomiya, kimyo, biologiya va geologiya fanlarini qamrab olgan.

Abu Ali ibn Sino hayoti va ijodiga bag‘ishlangan kitob-rasmli ko‘rgazmada buyuk olimning zamonamizda nashr etilgan mashhur falsafiy qomusi “Kitob ash-shifo”, “Tib qonunlari” to‘plami, “Sharq tabobati”, “Dorivor o‘simliklar risolasi”, “Yurak dorilari risolasi”, “Sog‘liqni saqlashga doir risolalar” kitoblari va ibn Sino hayoti haqida hikoya qiluvchi kitoblar o‘rin olgan. Ularda turli kasalliklar belgilari, ularning oldini olish va davolash usullari berilgan.

Ko‘rgazmaga tashrif buyurgan foydalanuvchilar mutafakkir, tabib, ustoz va davlat arbobi maqomini o‘zida mujassam qilgan inson haqida va O‘zbekistonda ibn Sinoning 1035 yillik tavalludi doirasida o‘tkazilayotgan tadbirlar haqida ko‘pgina qiziqarli ma’lumotlarga ega bo‘ladi.

 



Manba: daryo.uz





Здесь вы можете скачать mp3 Узбекские музыку 2017 бесплатно.