» » BMTning Jenevadagi vakolatxonasi oldida Snouden va Assanjning timsollari paydo bo‘ldi

BMTning Jenevadagi vakolatxonasi oldida Snouden va Assanjning timsollari paydo bo‘ldi

Kursida o‘tirgan Julian Assanj, Chelsi Menning va Edvard Snoudenning bronzadagi ko‘rinishlari BMTning Jenevadagi vakolatxonasi oldidagi maydonda qad rostladi. Ular bu yerda 18-avgust, juma kuniga qadar turadi. Bu haqda “Interfax”  xabar bermoqda.


“Bu ommaviy kuzatuv va yolg‘on tatbiq etilishiga yo‘q deya olgan va haqiqatni gapirishni ixtiyor etgan uch insonning shijoatiga o‘rnatilgan haykaldir”, — deya ma’lum qilgan jurnalistlarga installyatsiya muallifi, italiyalik Davide Dormino.

Qahramonlar yonida to‘rtinchi, bo‘sh kursi ham bor, muallif g‘oyasiga ko‘ra, unga nomi zikr etilgan insonlar bilan bir safda turishga tayyor bo‘lgan istalgan kishi o‘tirishi mumkin. Oldinroq bu installyatsiya Berlin va Drezdenda namoyish etilgan, sentabrda esa Parijga jo‘natilishi ko‘zda tutilgan.


Manba: Daryo.uz







Здесь вы можете скачать mp3 Узбекские музыку 2017 бесплатно.