» » Toshkentda Microsoft Lumia 640 XL 1,8 million so‘mdan sotuvga chiqdi

Toshkentda Microsoft Lumia 640 XL 1,8 million so‘mdan sotuvga chiqdi

O‘zbekistonda Microsoft kompaniyasining so‘nggi yangiliklaridan biri — Lumia 640 XL modeli savdolari boshlandi. “Mobinfo.uz” xabariga ko‘ra, qurilma Windows 8.1 operatsion tizimi ostida ishlaydi.


Qurilma ajrata olishi 720 piksel bo‘lgan 5,7 dyuymli ekran, Snapdragon 400 protsessori, 1 gigabayt operativ xotira, 13 megapikselli asosiy va 5 megapikselli selfi-kamera bilan ta’minlangan. Qalinligi atigi 9 millimetr ekanligiga qaramay, 3000 ma/s quvvatli akkumlyator o‘rnatilgan, bundan tashqari, O‘zbekistonda sotilayotgan versiyasi LTE texnologiyasini qo‘llab-quvvatlaydi.

Bonus sifatida Microsoft xaridorlarga Office 365 Personal ofis dasturlari to‘plamini bir yillik bepul obunasi bilan taqdim etadi (to‘plam obunasining bir yillik bahosi 69,99 dollarga teng). Bundan tashqari, foydalanuvchilar bulutli OneDrive fayl-omboridan 1 terabayt joy ham oladi.

Toshkentdagi “Malika” (“Fleshka”) bozorida Microsoft Lumia 640 XL 1,8 million so‘mga taklif qilinmoqda.


Manba: Daryo.uz



Здесь вы можете скачать mp3 Узбекские музыку 2017 бесплатно.