» » ROSSIYA A321 HALOKATI TASHKILOTCHILARI HAQIDAGI AXBOROT UCHUN 50 MILLION DOLLAR MUKOFOT PULI E’LON QILDI

ROSSIYA A321 HALOKATI TASHKILOTCHILARI HAQIDAGI AXBOROT UCHUN 50 MILLION DOLLAR MUKOFOT PULI E’LON QILDI

Rossiya Federal xavfsizlik xizmati A321 layneri bortida amalga oshirilgan teraktga aloqadorlar haqidagi axborot uchun 50 million dollar miqdorida mukofot puli va’da qildi. Bu haqda “RIA Novosti” xabar bermoqda.


“Federal xavfsizlik xizmati terrorchilarni aniqlashda yordam so‘rab Rossiya va xalqaro jamoatchilikka murojaat qiladi. Jinoyatchilarni qo‘lga olishga yordam beruvchi axborotni taqdim etganlik uchun 50 million AQSh dollari miqdorida mukofot puli to‘lanadi”, — deya xabar bermoqda Rossiya FXX Jamoatchilik aloqalari markazi.

  • Voqea: Misrda qulagan A321

Rossiyaning Metrojet (eski nomi — “Kogalimavia”) aviakompaniyasiga tegishli A321 layneri 31-oktyabr kuni Misrda qulagandi. Sharm-ash-Shayxdan Sankt-Peterburgga uchayotgan samolyot bortida bo‘lgan 224 kishining barchasi halok bo‘lgan.

Avvalroq Rossiya Federal xavfsizlik xizmati A321 layneri bortida terakt yuz berganini tasdiqlagandi. O‘z navbatida, Rossiya prezidenti Vladimir Putin laynerni portlatgan terrorchilarni sayyoraning istalgan nuqtasida topishga va’da bergandi.


Manba: Daryo.uz


Метки: ROSSIYA A321

Здесь вы можете скачать mp3 Узбекские музыку 2017 бесплатно.