Ibragim - Janim Anam

Canım anam, damarda qanım anam
Cənnət ayağlarındadır, gülüstanım anam
Sənsiz dözməz ürək,Allah ayırmasın
Kədərin zülməti ilə keçər sənsiz anım anam

Şöhrətim şanım anam,mənim ad sanım anam
Nə qədər tikanlar bitib belə gülşənlərində?

Sən ki bir ömrü fəda eyləmisən övladına
Nə qədər əzab gizlənib saçının dənlərində?

Ən gözəl xanım anam,cənnət hurisiən
Sənin etdiyin dualarla ərşə çatdı başım
Əlini səmaya aç, sən mənə dualar et
Mən həmin dualarla yol dolaşım, dağlar aşım

Ey sultanım anam, sənə qurbandı canım
Atdığın addımların altına torpağ olaram

Nə qədər qocalsam da ölümünə hazır deyiləm
Bir gün ölsən əgər, mən necə sağ olaram?