Farhod Sadullayev - Do'st

Hayot boshga turfa sinov solganida ham
Tashvishlardan ruhim bezib qolganida ham
Gar yonimda bo'lsang yaqin kelolmaydi g'am
Borimda ham yog'imda ham turar yaqin do'st

Dardlarimni aytganimda tinglagan ey do'st
Sirlarimni yuragida saqlagan ey do'st
Parvardigor joning omon saqlasin ey do'st
Alloh uchun yaxshi ko'rgan jigarimsan do'st

Yo'g'imdayam borimdayam turgan yaqin do'st
Gar boshimga tushsa kulfat kechmagan shu do'st
Dardlarimni senga aytsam eshitasan do'st
Alloh uchun yaxshi ko'rgan jigarimsan do'st

Osmonlarga qo'l uzatsam qanotim bo'lib
Og'ir kunda suyanchig'im najotim bo'lib
Ranjitsam ham do'stim deya yo'qlagan kelib
Borimda ham yo'g'imda ham yurgan yaqin do'st

Birga yengdik bu hayot zahmatlarini
Tilagayman Firdavsu Jannatlarini
Olsak deyman Yaratganni rahmatlarini
Alloh uchun yaxshi ko'rgan jigarimsan do'st

Yo'g'imdayam borimdayam turgan yaqin do'st
Gar boshimga tushsa kulfat kechmagan shu do'st
Dardlarimni senga aytsam eshitasan do'st
Alloh uchun yaxshi ko'rgan jigarimsan do'st