Ramazon Taqvimi 2016

Рамазон нур ва гўзаллик ойи.

Рамазон яхшилик ва поклик ойи.

Рамазон гўзал хотиралар ойи.

Рамазон Қуръон нозил бўлган ой.

Унда минг ойданда яхши Қадр кечаси бор.

Бадр жангининг ғалабаси ҳам Рамазон ойида бўлган.

Унинг охирида чексиз шодлик улашувчи кун – Ийдул фитр бор.

Рамазон қалбларни нурга тўлдирар.

У овқатдан тийилиш ва ҳаромдан сақланиш ойидир.

Агар ҳаёт яшаш учун курашдан иборат бўлса, бу ой тирикликнинг сирини англаш ойидир.

Агар бутун умр жисм учун бўлса, бу ой руҳ учундир.

Бутун дунё бир-бирини қириш ва адоватдан иборат бўлса, бу ой дўстлик ва муҳаббат ойидир

РЎЗА ТУТИШ САҲАРЛИК (ОҒИЗ ЙОПИШ) ДУОСИ:

Наввайту ан асума совма шаҳри ромазона минал фажри илал мағриби, холисан лиллаҳи таъала. Аллоҳу Акбар!

Маъноси:Рамазон ойининг рўзасини субҳдан то кун ботгунга қадар тутмоқни ният қилдим. Холис Аллоҳ учун. Аллоҳ Буюкдир!

ИФТОРЛИК (ОҒИЗ ОЧИШ) ДУОСИ:

Аллоҳумма лака сумту ва бика аманту ва ъалайка таваккалту ва ъала ризқика афтарту, фағфирли я ғоффарума қоддамту ва ма аххорту. АМИЙН!

Маъноси:Ей Аллоҳ, ушбу рўзамни Сен учун тутдим ва Сенга иймон келтирдим ва Сенга таваккалқилдим ва берган ризқинг билан ифтор қилдим. Ей гуноҳларни афв қилувчи Зот, менинг аввалги ва кейинги гуноҳларимни мағфират қилгин.

Юртимиз бошқа вилоят ва шаҳарларида

Аввал : Чимкент (1), Конибодом (5), Қўқон (7), Жамбул (7), Наманган (10), Фарғона (10), Марғилон (10), Андижон (12), Ўш (14), Жалолобод (15), Бишкек (21), Олма - ота (21).

Кейин : Бекобод (4), Туркистон (4), Жиззах (6), Гулистон (7). Денов (7), Жонбой (7), Самарқанд (9), Шаҳрисабз (10), Каттақўрғон (12), Қарши (9), Нурота (14), Навоий (19), Бухоро (21), Хива (35).