“Forsaj” yaratuvchilarida filmlar uchun nom tugagan ko‘rinadi
Aktyor va “Forsaj” turkumidagi filmlar prodyuseri Vin Dizel navbatdagi, sakkizinchi qismning nomini e’lon qildi: Fast 8. Bu haqda Meduza xabar bermoqda.
Undan oldingi qism Furious 7 deya nomlangandi. Bungacha esa Fast & Furious 6, Fast Five, Fast & Furious, The Fast and the Furious: Tokyo Drift, 2 Fast 2 Furious deb nomlangan filmlarning dastlabkisi The Fast and the Furious nomi ostida ekranlarga chiqqan. Dunyoning ko‘pgina mamlakatlarida bu turkumdagi filmlar oddiygina “Forsaj” deb yuritilgan va tegishli raqamga ega bo‘lgan.
“Forsaj”ning birinchi qismi 2001-yilda ekran yuzini ko‘rgan. Shundan beri ushbu turkumdagi filmlar jahon kinoijarasida 3,9 milliard dollar ishlab topdi. Eng ko‘p foydani yettinchi qism keltirdi: jami 1,5 miliard dollar to‘plab, bu ko‘rsatkich bo‘yicha kino tarixidagi beshinchi filmga aylandi.
Manba: daryo.uz
